Omukanka gwa kola: Omwaalu Embo lyOmulongwa

ISBN:
9789991628264 
Language:
Oshindonga 
Published Date:
2015 
Publisher:
Namibia Publishing House 
Format:
Print 
Price:
N$ 69.76
Omwaalu gwOmukanka gwa kola ogwa kankamekelwa kOmusindalongo gOmwaalu gwOondondo dhopevi gwokuza mOndondo 1-3. Omahuku gomwaalu nguka oga kankamekelwa komahuku niipalanyolo yOmudhingolokolongo. Omambo gOmwaalu gwOmukanka gwa kola otaga yambidhidha elongo moka omulongwa oye ta dhana onkandangala, gi ikolelela kehumithokomeho lyuunongo wokupyokola okuyalula omiyalu. Omambo ngaka otaga lalakanene okukwatha aalongwa opo ya likole uunongo wokuyalula nokutseya omwaalu tashi pitile moompangela dhokutula miilongo elongo lyomwaalu. Oshikalimo oshe etwa po pamukalo tagu shambudha gu na omalwaala ga tsa niinima yi iwetikile mbyoka tayi makele aalongwa opo ya tyapule nokulola omwaalu noye gu tale ko ongomukalo gwokulikola uunongo wopetameko wokukitakanununa iinima.
Omwaalu gwomukanka gwa kola otagu kwandjagele nokutula miilonga Omwaalu ongomukalo gwokukitakanununa omikundu nokuninga omakonakono monkalo yesiku kehe ngoka aalongwa taa longitha miilongwa yawo yilwe. Aalongwa otaa tsuwa omukumo ya longithe ontseyo, uunongo, euvoko nomikalo ndhika dhomwaalu monkalo kehe taa tsakaneke. Oshinima shoka oshipe mehukilila lyOmwaalu gwOmukanka gwa kola osho etulomiilonga lyoompangela: oompangela dhokuyalula, dhokulonga euvoko lyomwaalu, dhokulonga okuyalula nokumeta. Ewilikimbo lyomulongi otali yelitha nkene taku ungaungwa netulomiilonga nelongo lyomikalo ndhika dhokuyalula. Iitsa ya simana melongo ndika lyomwaalu: Okulonga omusindalongo aguhe nomaunongo agehe ga pumbiwa. Omapyokoko kehe ohaga topolwa miikako itatu notaga longwa lutatu momumvo, opo aalongwa ya pyokoke noya funde nawa omwaalu. Okutungila kontseyo ndjoka aalongwa ye na nale. Okulongitha omahuku niipalanyolo ya fa naanaa mbyoka yi li mOmudhingolokolongo. Okulongo omaunongo gopetameko: euvoko lyontseyo yokuyalula, okuyalula, okukitakanununa omikundu, okumeta, ontseyo yiimaliwa, ogeometri nokuvongokonona omauyelele. Okulongitha omadhewo niiholelwa ya yoolokathana. Omayambidhidhimbo geilongo gehukilila lyOmwaalu gwOmukanka gwa kola oga kwatela mo: Embo lyomulongwa Ewilikimbo lyomulongi Elongelwambo